لاس اینجلس(این این آئی) غیر ملکی میڈیا کے مطابق بالی ووڈ سٹارز انجلینا جولی اور براڈ پٹ دوبارہ اکھٹے ہو گئے ہیں۔ دونوں سٹارز میں نہ صرف ملاقاتوں کا سلسلہ شروع ہو چکا ہے بلکہ فون پر بھی روزانہ گفتگو کی جاتی ہے۔ ذرائع کے مطابق جولی اور براڈ کو جدائی نے ستانا شروع کر دیا ہے۔

دونوں نے محبت کے ہاتھوں مجبور ہو کر دوبارہ بات چیت کا سلسلہ شروع کر لیا ہے۔ انھیں اکثر جگہوں پر اکھٹے دیکھا جا رہا ہے جبکہ قیاس آرائیاں کی جا رہی ہیں کہ دونوں بہت جلد اکھٹے ہونے جا رہے ہیں۔خیال رہے کہ انجلینا جولی نے 2016ء  میں براڈ پٹ سے طلاق لے لی تھی، جس کے بعد دونوں میں اپنے 6 بچوں کی کفالت کو لے کر قانونی جنگ شروع ہو گئی تھی۔ دونوں فنکاروں کے درمیان کافی سالوں سے تعلق قائم تھا تاہم انہوں نے کافی انتظار کے بعد 2014ء  میں شادی کی۔ دونوں کی پہلی ملاقات 2005ء  میں ریلیز ہونے والی فلم ’مسٹر اینڈ مسز سمتھ‘ کے سیٹ پر ہوئی، اس کے بعد دونوں اکھٹا رہنے لگ گئے تھے۔

موضوعات:انجلینا جولی