اسلام آباد (مانیٹرنگ ڈیسک) ارباز خان اور ملائیکہ اروڑا کے درمیان رفاقت ختم، ممبئی کے علاقے باندرا کی فیملی کورٹ نے دونوں کے درمیان طلاق کی منظوری دیدی ہے۔ اس طرح ان دونوں کی 17 سالہ رفاقت کا خاتمہ ہو گیا۔ دونوں کے وکلاء کرانتی سیٹھی اور امرتا سیٹھی پاٹھک نے میڈیا سے بات چیت کرتے ہوئے کہا کہ ملائیکہ اروڑا کی جانب سے کسی قسم کی رقم یا اخراجات اٹھانے کا مطالبہ نہیں کیا گیا ہے۔

دونوں نے اپنی رضا مندی سے طلاق لینے کا فیصلہ کیا جسے عدالت نے منظور کر لیا ہے۔ عدالت میں درخواست دائرکرنے کے بعد انڈین قانون کے مطابق دونوں کو 6 ماہ کا وقت دیا گیا تھا کہ اگر وہ ایک دوسرے کے ساتھ رہنا چاہیں تو اپنے فیصلے پر نظر ثانی کر سکیں۔ ارباز خان سے علیحدگی کے باوجود دونوں کو بہت سے مواقع پر اکٹھے دیکھا گیا۔ کچھ ہی دن پہلے دونوں نے اپنے بیٹے کی سالگرہ دھوم دھام سے منائی تھی ۔

موضوعات:بالی ووڈ