اسلام آباد (آن لائن) سپریم کورٹ نے کرنسی اسمگلنگ میں ملوث سپر ماڈل ایان علی کی سیکرٹری داخلہ کے خلاف توہین عدالت کی درخواست سماعت کے لئے منظور کر لی ہے ۔ کل منگل کو چیف جسٹس ثاقب نثار کی سربراہی مین تین رکنی بنچ کیس کی سماعت کرے گا۔ تفصیلات کے مطابق ماڈل ایان علی کی جانب سے سیکرٹری داخلہ کے خلاف توہین عدالت کی درخواست دائر کرتے ہوئے
عدالت سے توہین عدالت کے مرتکب ہونے والوں کے خلاف کارروائی کی استدعا کی گئی تھی ۔ عدالت عظمیٰ نے ماڈل ایان علی کی درخواست کو قابل سماعت قرار دیتے ہوئے سماعت کے لئے مقرر کر دیا ہے چیف جسٹس کی سربراہی میں تین رکنی بنچ منگل کو ماڈل ایان علی کی درخواست پر سماعت کرے گا ۔ یاد رہے کہ ایان علی نے ای سی ایل عدالتی حکم کے باوجود نام نہ نکالنے پر سیکرٹری داخلہ کے خلاف توہین عدالت ای سی ایل سے نام نکالنے کے لئے بھی عدالت سے رجوع کر رکھا ہے ۔
