اسلام آباد(مانیٹرنگ ڈیسک)بھارتی انتہا پسندوں کی نفرت اور پاکستان کی دشمنی کی باتیں تو اکثر آپ سنتے ہیں ،کشمیری عوام سے پاکستان اور پاکستان کی ان سے محبت کا سب کو علم ہے ۔کوئی بھارتی شہری پاکستان کے حق میں ایک بات بول دے تو یہ انتہا پسند لڑنے مرنے پر اترآتے ہیں اور اس کیخلاف اعلان جنگ کر دیتے ہیں ۔
ویسا ہی ایک واقعہ تب پیش آیا جب بالی ووڈ سٹار عامر خان کی فلم ’’دنگل‘‘ کی ننھی اداکارہ زائرہ وسیم کی والدہ زرقہ وسیم کی سوشل ویب سائٹ پر پاکستان سے والہانہ محبت کی پوسٹ نے انتہا پسند ہندوؤں کو آگ بگولہ کردیا۔بالی ووڈ کی سب سے زیادہ کمائی کرنیوالی فلم ’’دنگل‘‘ کی ننھی اداکارہ زائرہ وسیم کا تعلق مقبوضہ وادی سے ہے گزشتہ دنوں سوشل میڈیا پر بھارتی وزیر کھیل نے ننھی اداکارہ پرطنز کیا تھا لیکن اب اداکارہ کی والدہ کی پاکستان سے محبت کو جرم بنا دیا گیا ہے۔
