اسلام آباد (مانیٹرنگ ڈیسک) کرینہ اور کرشمہ اپنے چچا زاد کیلئے کافی عرصے سے لڑکیاں دیکھ رہی تھیں مگراب کرینہ کی جانب سے فائنل کیا گیا نام سامنے آگیا ہے۔بھارتی ذرائع ابلاغ کے مطابق معروف فلمساز و ہدایت کارکرن جوہر کے مقبول ٹی وی پروگرام ’’ کافی ود کرن‘‘ میں کرینہ نے رنبیر کی ممکنہ دلہن کا نام بتا دیا۔
کرینہ اور کرشمہ اداکارہ سونم کپور کو اپنی بھابھی کے روپ میں دیکھنا چاہتی ہیں۔پروگرام میں کرینہ کپور کے ساتھ اداکارہ سونم کپور شریک تھیں ۔میزبان نے فارمیٹ کے مطابق کافی دلچسپ سوالات کیے جن میں سے ایک رنبیر کی شادی سے متعلق بھی تھا۔رنبیر کی شادی اور دلہن سے متعلق سوال پوچھے جانے پر کرینہ نے جواب دیا کہ میں اور میری بہن کرشمہ کپور دونوں ہی یہ خواہش رکھتی ہیں کہ رنبیر کی شادی سونم کپور سے ہو۔سونم کپور نے رد عمل میں کہا کہ میں اور رنبیراچھے دوست ہوسکتے ہیں لیکن مجھے یقین نہیں کہ میں رنبیرکوبطوربیوی خوش رکھ سکوں گی۔دلچسپ بات یہ ہے کہ سونم اور رنبیر دونوں نے ہی دس سال قبل ہدایت کار سنجے لیلا بھنسالی کی فلم ’سانوریا‘‘ سے اپنے کیرئیر کا آغاز کیا تھا، یہ جوڑی جلد ہی اداکار سنجے دت کی زندگی پر بننے والی فلم میں بھی ایک ساتھ نظر آئے گی۔
