ممبئی (نیوز ڈیسک)بالی ووڈ سپر اسٹار عامر خان کا کہنا ہے کہ اداکارہ سونم کپور نے ’نیرجا‘ میں اپنی اداکاری کا لوہا منوالیا ہے ۔بھارتی میڈیا کی ایک رپورٹ کے مطابق عامر خان حال ہی میں فلم ’نیرجا‘ کی اسکریننگ میں شریک ہوئے۔اس فلم کو دیکھنے کے بعد عامر خان سونم کپور سے بہت متاثر نظر آئے۔ان کا کہنا تھاکہ سونم نے فلم میں بہت اچھا کام کیا ہے، فلم بہترین انداز میں بنائی گئی ہے۔ مجھے یقین ہے کہ اس فلم سے وہ اپنی اداکاری کی صلاحیت کو منوا لیں گی۔اس فلم میں معروف اداکارہ شبانہ اعظمی نیرجا (سونم کپور) کی والدہ کے کردار میں نظر آئیں گی۔شبانہ اعظمی کے کردار کے حوالے سے عامر کا کہنا تھا ’شبانہ اعظمی نے بھی فلم میں بہترین کردار ادا کیا، میں بہت جلدی جذباتی ہوجاتا ہوں، فلم کا اختتام دیکھتے ہوئے میری آنکھوں میں آنسو آگئے تھے۔یہ فلم’ ’نیرجا بھانوٹ“ نامی خاتون کی زندگی پر بنائی جارہی ہے جو 1986 میں انڈیا کے ایک ہائی جیک جہاز میں مسافروں کی جان بچانے کی کوشش کرتے ہوئے دہشت گردوں کی فائرنگ سے ہلاک ہوگئی تھی۔اس حادثے کے بعد نیرجا کو بین الاقوامی سطح پر ّدی ہیروئن آف دی ہائی جیک کا خطاب ملا تھا۔واضح رہے کہ سونم کپور نے فلم کی تشہیر کے لیے اداکاروں سے درخواست کی تھی وہ جس چیز سے ڈرتے ہیں اسے ویڈیو پر بتائیں۔جب عامر خان سے ان کے ڈر کے بارے میں پوچھا گیا تو ان کا کہنا تھا ’مجھے بہت سے ڈر ہیں، سب سے زیادہ میں اس وقت ڈر جاتا ہوں جب میری فیملی کے افراد باہر جاتے ہیں۔رام مادھوانی کی ہدایت میں بننے والی فلم’ ’نیرجا“ 19 فروری کو سنیما گھروں میں نمائش کے لیے پیش کی جائے گی۔