پشاور(نیوزڈیسک)پشاور میں موجود راج کپور خاندان کے گھر کے موجودہ مالک نے مکان کو گرانے کی کوشش کی، پولیس اور انتظامیہ نے بروقت کارروائی کر کے اس تاریخی مکان کو بچا لیا۔تفیصلات کے مطابق اندرون شہر میں واقع پریتوی راج کا گھر جسے ایک تاریخی ورثے کی حیثیت حاصل ہے، کے موجودہ مالک نے اسے گرانے کا عمل شروع کیا تو عوام کی شکایت پر انتطامیہ اور پولیس نے گرائے جانے کے عمل کو روک دیا اور 4 مزدوروں کو حراست میں لے لیا، اہل محلہ بھی بالی ووڈ سٹارز کی اس نشانی کو محفوظ رکھنا چاہتے ہیں۔واضح رہے کہ پریتوی راج خاندان کے افراد وقتاً فوقتاً پرانی یادوں کو تازہ کرنے کیلئے یہاں آتے رہے ہیں۔ پشاور میں بالی ووڈ سٹارز پریتوی راج، شاہ رخ خان اور دلیپ کمار کے مکانات موجود ہیں، جنہیں قومی ورثہ قرار دینے یا ان کو بچانے کیلئے کسی بھی حکومت نے سنجیدگی کا مظاہرہ نہیں کیا۔