ممبئی (نیوز ڈیسک)بالی ووڈ اداکار کنگ خان نے اپنی زبان کو تالے لگا لئے،غلام علی کو دی گئی شیو سینا کی دھمکی پر پوچھے گئے سوال کا جواب دینے سے صاف انکار کر دیا۔رپورٹ کے مطابق بالی وڈ بادشاہ بھی ہندو انتہا پسندوں کے دباؤمیں آگیا،سیاسی اور مذہبی معاملات پر لب کشائی نہ کرنے کا ارادہ کر لیا۔پاکستانی گلوکارغلام علی کو دی گئی شیو سینا کی دھمکی پر پوچھے گئے سوال کا جواب دینے سے صاف انکار کردیا،بولیوہ جب بھی کسی سیاسی یا مذہبی معاملات پر بیان دیتے ہیں اس کا شدید ردعمل سامنے آتا ہے،اس لئے وہ اس سوال کا جواب نہیں دیں گے۔شاہ رخ خان نے بھارت میں بڑھتی ہوئی عدم برداشت پر مودی سرکار کو آئنہ دکھایا تھا جس کے بعد ان کے خلاف احتجاج کا سلسلہ شروع ہوا،ان مظاہروں کا اثر کنگ خان کی فلم دل والے کی کمائی پر بھی پڑا،اور بالاخر بالی وڈ رئیس کو طنزاً یہ کہنا ہی پڑا۔