ممبئی (نیوز ڈیسک)حادثات یا قتل کے عنوان سے مختصر قسط دیکھنے کے بعددسمبر2014ءمیں وزیرٹرانسپورٹ ہائی وے نتن گدکری کی طرف سے روڈسیفٹی مہم کا حصہ بننے کے لیے ذاتی طورپر رابطہ کیاگیا جس کی تصدیق ا±نہوں نے مائیکروبلاگنگ ویب سائٹ ٹوئیٹر پر بھی کی تھی لیکن اب اطلاع ملی ہے کہ عامر خان کے سچ بولنے پر روڈسیفٹی مہم سے بھی علیحدہ کرنے کا فیصلہ کرلیاگیاہے۔ ایک بھارتی اخبار کے مطابق بغیر کوئی وقت ضائع کیے عامر خان نے اس مہم کا حصہ بننے اور ٹی وی و اخبارات کے اشتہارات میں بغیر کسی معاوضے کے کام کرنے پر رضامندی ظاہر کردی لیکن ’ناقابل یقین انڈیامہم‘ سے علیحدگی کے بعد اب عامر خان کو ’روڈسیفٹی مہم‘ سے بھی علیحدہ کیاجارہاہے جس میں برداشت کو موضوع بنایاگیا۔گدکری کے دفتر کے ایک ذریعے نے بھارتی اخبار’انڈیا ٹائمز‘ کو بتایاکہ وزیرموصوف نے سوچا تھاکہ اس قسط میں بھرپور تحقیق تھی اور وہ اس پروگرام کے ذریعے اہم معاشرتی مسئلے کو اٹھانے کے عامر خان کے اقدام سے بہت زیادہ متاثرہوئے تھے ،ایڈایجنسی کے ساتھ ملاقاتوں میں تاخیر اور کچھ وجوہات کی بناءپر یہ سوچا کہ عوام میں آگاہی کے لیے عامر خان بہترین چناو ہے جبکہ وزارت ملک بھر میں یہ مہم چلانے کا ارادہ رکھتی تھی۔ رپورٹ کے مطابق سابق روڈٹرانسپورٹ سیکریٹری وجے چبھڑ نے بتایا’ اس سے پہلے کہ معاملات مزید آگے بڑھتے ،عامر خان کے عدم برداشت سے متعلق ریمارکس پر بی جے پی اور آر ایس ایس رہنما?ں نے ہنگامہ کھڑاکردیا ‘عامر خان کے بیانات اور نیا تنازعہ کھڑا ہوجانے کے بعد وزارت نے فیصلہ کیاکہ عامر خان کی جگہ پر کسی اور شخص کاچنا کریں لیکن اداکاروں کی پہلے سے طے شدہ مصروفیات کی وجہ سے معاملات طے کرنے میں تاخیر کا سامناہے