ممبئی (نیوز ڈیسک) بھارتی انٹرٹیمنٹ چینل کلرز کا مشہور کامیڈی شو ’نائٹ ود کپل‘ اب کرشنا ابھیشک کے حوالے کرنے کی خبریں گردش کررہی ہیں۔خبررساں ایجنسی این این آئی کے مطابق اس خبر کے سامنے آتے ہی میزبان کپل شرما کے مداحوں نے ٹوئٹر اور فیس بک پر اپنے غم وغصے کا اظہار کیا ہے، مداحوں نے کلرز چینل کے سی ی او راج نائیک اور ٹی وی انتظامیہ کو شدید تنقید کا نشانہ بناتے ہوئے ’شیم آن راج نائیک اینڈ کلرز‘ جیسے پیغامات لکھے ہیں۔ خبروں کے مطابق اب شو کا نام بھی ’کامیڈی نائٹ ود کپل‘ سے تبدیل کر کے ’کامیڈی نائٹ ود کرشنا‘ کردیا جائیگا۔یادرہے کہ چینل انتظامیہ کی طرف سے نارواسلوک سے تنگ آکر کپل شرما کی ٹیم نے شو چھوڑنے کا فیصلہ کیا تھا اور ابتدائی اطلاعات تھیں کہ شو بند کردیاجائے گا لیکن اب خبرآئی ہے کہ شو بند ہونے کی بجائے نیا میزبان لایاجائے گایعنی کپل شرما شو میں نہیں ہوں گے