ممبئی(ویب ڈیسک)بولی ووڈ اداکارہ پریانکا چوپڑا آجکل ملک میں انیمیا کے خلاف چلائی جانے والی مہم میں بڑھ چڑھ کر حصہ لے رہی ہیں۔اداکارہ نے بدھ کے روز ملک بھر میں نوجوانوں میں انیمیا کے متعلق آگاہی فراہم کرنے والی مہم کی لانچ تقریب میں وزیر صحت جے پی نندا کے ہمراہ شرکت کی۔ تقریب میں اداکارہ نے میڈیا کو بتایا کہ ملک میں بیشتر نوجوان انیمیا کو شکار ہیں۔انھوں نے بتایا کہ وہ اس مہم کے زریعے ملک بھر کے نوجوانوں میں انیمیا سے بچاو¿ اور اس کے تدارک کے حوالے آگاہی پہنچائیں گی۔آگاہی مہم کے دوران اداکارہ کی تیار کردہ خصوصی ویڈیو بھی دکھائی جائے گی۔ پریانکا چوپڑا نے میڈیا کو بتایا کہ وہ بذات خود بے حد مصروف رہتی ہیں جس بنا پر متناسب غذا کا استعمال نہیں کر پاتیں لہٰذاوہ اپنی خوراک میں ”بلیو پل“ کا استعمال ضروری خیال کرتی ہیں۔33سالہ اداکارہ کا کہنا تھا کہ جب سے انھوں نے اس گولی کا استعمال شروع کیا ہے انکی صحت پر مثبت اثرات مرتب ہورہے ہیں۔باجی راو¿ مستانی سٹار کا کہنا تھا کہ اگر آج ہمارے نوجوان صحت مند ہوں گے تب ہی ہمارا ملک مستقبل میں ترقی کی نئی منزلیں طے کرے۔