نئی دہلی(آئی این پی)معروف بھارتی کامیڈین بھارتی سنگھ کے متعلق کہا جا رہا کہ وہ آئندہ سال اپنے بوائے فرینڈ کامیڈی رائٹر ہرش لمباشیا کے ساتھ رشتہ ازدواج میں منسلک ہو جائیں گی۔زرائع کے مطابق ہرش اور بھارتی منگنی کر چکے ہیں۔ علاوہ ازیں ہرش کی طرف سے منگنی پر بھارتی کو ہیرے کی انگوٹھی پہنائی گئی تھی۔بھارتی سنگھ نے حالیہ انٹرویو کے دوران میڈیا کو بتایا کہ وہ آئندہ سال کے اواخر میں شادی کا ارادہ رکھتی ہیں۔اپنے شریک سفر کے متعلق پوچھے گئے سوال کے جواب میں بھارتی کا کہنا تھا کہ وہ چاہتی ہیں انکا ہمسفر خاموش طبیعت اور میچور شخصیت کا مالک ہونا چاہیے۔ انکا کہنا تھا کہ وہ حقیقی زندگی میں بھی بہت باتونی ہیں اس لئے وہ چاہتی ہیں کہ انکا پارٹنر خاموشی سے انکی باتوں کو سنے اور انھیں سمجھے۔شادی کے بعد کی زندگی کے بارے میں انکا کہنا تھا کہ وہ بھی ہر لڑکی کی طرح چاہتی ہیں کہ انکا گھر ہو محبت کرنے والا شوہر ہو انکے چھوٹے چھوٹے بچے ہوں اور وہ انکے لئے چپاتیاں بنائیں۔انکا مزید کہنا تھا کہ وہ شادی کے بعد کم کام کرنے اور ذیادہ وقت اپنے گھر اور شوہر کو دینے کا ارادہ رکھتی ہیں