ممبئی(نیوز ڈیسک )ہندوستان میں ہندو انتہا پسند تنظیم شیو سینا اب تک پاکستانی فنکاروں اور گلوکاروں کو تو دھمکی دیتی آئی ہے لیکن اب اس نے اپنے ہی فنکاروں اور اداکاروں کو دھمکانا شروع کردیا ہے۔شیو سینا کی جانب سے فلم ’باجی راو¿ مستانی‘ کے ڈائریکٹر سنجے لیلا بھنسالی کو فلم میں مبینہ طور پر مراٹھی جنرل پیشوا باجی راو¿ کے کردار کا غلط تاثر دینے پر دھمکی دی گئی ہے۔رواں سال 18 دسمبر کو ریلیز ہونے والی فلم باجی راو¿ مستانی میں رنویر سنگھ (باجی راو¿)، دپیکا پڈوکون (مستانی) اور پریانکا چوپڑا (باجی راو¿ کی پہلی بیوی ’کاشی بائی‘) اداکاری کر رہے ہیں، تاہم شیو سینا کی جانب سے فلم پر عارضی پابندی لگانے کا مطالبہ کیا گیا ہے۔ہندوستانی ریاست مہاراشٹرا کے وزیر اعلیٰ دیوندرا فیڈناوس کے نام لکھے گئے خط میں شیو سینا کے ایم ایل اے پرتاپ سرنائیک نے فلم میں مراٹھی جنرل کے کردار کا غلط تاثر دینے پر احتجاج کیا۔انہوں نے مہاراشٹرا کے وزیر اعلیٰ پر زور دیا ہے کہ فلم باجی راو¿ اور مستانی کے اہلخانہ کو دکھانے اور شکایات دور کرنے کے بعد ہی ریلیز ہونی چاہیے۔بھارتی میڈیاسے گفتگو کرتے ہوئے پرتاپ سرانائیک کا کہنا تھا کہ فلم کے ٹریلر اور گانوں کی ویڈیوز سے معلوم ہوتا ہے کہ اس حوالے سے ریسرچ نہیں کی گئی اور پیشوا باجی راو¿ کے کردار کو جس طرح فلم میں دکھایا گیا ہے وہ قابل اعتراض ہے۔انہوں نے بتایا کہ دیوندرا فیڈناوس میرے خط کے بعد معاملے کی تحقیقات کا حکم دے دیا ہے، جبکہ سنجے لیلا بھنسالی کو فلم بناتے وقت مراٹھی جنرل کے اہلخانہ اور دیگر مراٹھی افراد کے جذبات کا خیال رکھنا چاہیے تھا۔