ممبئی: بالی وڈ اداکارہ ودیا بالن نے کہا ہے کہ وہ بالی وڈ میں خود کو خوش قسمت اداکارہ سمجھتی ہیں جو اپنے کیریئرکے دوران کسی استحصال سے بچی رہیں، ہم اپنے استحصال کے خود ذمے دار ہوتے ہیں ایسے میں دوسروں کو الزام نہ دیں۔

نیشنل ایوارڈ یافتہ37 سالہ خوبصورت مسکراہٹ کی حامل ودیا بالن نے اپنے تازہ انٹرویو میں کہا کہ ان کی اداکاری کے سچے جذبے اور پروفیشنل ازم نے ان کو بالی ووڈ میں ’’کاسٹنگ کاؤچ ‘‘بننے سے روکے رکھا اور وہ کسی استحصال سے بچی رہیں۔ ودیا نے نے نئے آنے والے اداکاروں سے کہا کہ وہ خود کو کاسٹنگ کاؤچ بننے سے بچائیں۔ ودیا نے کہا کہ کسی فلم کا کوئی کردار دنیا کا آخر نہیں ہے بلکہ شروعات ہوسکتا ہے اس لیے انتظار کرلینا ہی بہتر ہے کہ آپ اپنا استحصال کرلیں۔