نیویارک(این این آئی )گوگل نے یوٹیوب شارٹس کو مزید آسان اور بہتر بنانے کے لیے اس میں اپنے ہی ویڈیو میکنگ کے لیے آرٹیفیشل انٹیلی جنس (اے آئی)ٹول (Veo) دینے کا اعلان کردیا۔میڈیارپورٹس کے مطابق گوگل کے ڈیپ مائنڈ اے آئی ویڈیو میکنگ ٹول (Veo) کو ویسے ہی کانٹینٹ کریئیٹرز استعمال کرکے اپنی یوٹیوب ویڈیوز کو بہتر بناتے ہیں لیکن اب مذکورہ فیچر کو براہ راست یوٹیوب کا حصہ بنایا جا رہا ہے۔

گوگل نے یوٹیوب شارٹس میں (Veo) کو شامل کرنے کا اعلان کیا ہے،جس کے تحت صارفین نہ صرف اعلی کوالٹی کے بیک گرائونڈ بنا سکیں گے بلکہ صارفین 6 سیکنڈز تک کی اے آئی ویڈیو کلپس بھی بنا سکیں گے۔مذکورہ فیچر کو یوٹیوب شارٹس کا حصہ بنائے جانے کا مقصد صارفین کو ٹک ٹاک سمیت دوسرے حریف پلیٹ فارم سے یوٹیوب پر لانا ہے۔