نیویارک (این این آئی)گوگل ایک ایسی نئی اور مصنوعی ذہانت(آرٹیفیشل انٹیلیجنس) والی ایپ کی جانچ کر رہا ہے جو نابینا افراد کو ریس میں دوڑ کے دوران مدد فراہم کرے گی۔میڈیارپورٹس کے مطابق یہ جدید ایپ بینائی سے محروم لوگوں کو آڈیو اشارے سے رہنمائی فراہم کرے گی
جس کے تحت نابینا افراد بغیر کسی معاون کے دوڑ سکیں گے۔یہ جدید ایپ ابھی ابتدائی مراحل میں ہے اور اسے استعمال کرنے کے لیے نابینا افراد اپنے اینڈرائیڈ فون کو کمر سے اٹیچ کریں گے اور یہ فون ایپ کے ساتھ کنیکٹ ہو گا۔یپ ریس کے دوران کیمرے کی مدد سے زمین پر موجود لائن کو ٹریس کر کے نابینا افراد کو دوڑنے کے دوران گائیڈلائن فراہم کرے گی جبکہ یہ ایپ ہر قسم کی موسمیاتی تبدیلی میں بغیر انٹرنیٹ کے کام کرے گی۔ اینڈرائیڈ فون میں موجود مشین لرننگ الگورتھم سے بینائی سے محروم افراد کو یہ معلوم ہو سکے گا کہ وہ بائیں، دائیں یا ٹریک کے درمیان ہیں۔
