لندن (مانیٹرنگ ڈیسک) ماہرین کا کہنا ہے کہ دماغ کے کینسر میں اضافے کی بنیادی وجہ موبائل فون کا بے دریغ استعمال ہے۔ سائنسی جریدے جرنل آف انوائرنمنٹل اینڈ پبلک ہیلتھ میں شائع ہونے والے مقالے کے مطابق 1995ء سے 2015ء کے درمیان کیے گئے مطالعے سے انکشاف ہوا ہے کہ گزشتہ 10 برس کے دوران دماغ کے کینسر میں دگنا اضافہ ہوا ہے۔ برین ٹیومر کے بڑھتے ہوئے ان واقعات کی وجہ طرز زندگی میں تبدیلی اور موبائل فون کا

بڑھتا ہوا استعمال ہے۔ سائنس دانوں نے ٹیومر کے مطالعے کے دوران دیکھا کہ زیادہ تر ٹیومر دماغ کے پچھلی جانب اور کان سے زرا اوپری حصے میں پائے گئے۔ دماغ کے بالائی اور پچھلے حصے کے درمیانی حصے میں موجود ٹیومر عین کان کے اوپر موجود تھے جس سے ممکنہ طور پر کہا جا سکتا ہے کہ دماغ کے ٹیومر کی وجہ موبائل فون کا بے دریغ استعمال ہے اور جیسے جیسے معاشرے میں موبائل کا استعمال بڑھ رہا ہے ویسے ویسے برین ٹیومر میں بھی اضافہ ہو رہا ہے۔

موضوعات:موبائل فون