اسلام آباد(مانیٹرنگ ڈیسک)وائی فائی سنگل کی رینج بڑھانے کیلئے سائنسدانوں نے سادہ، آسان اور کم خرچ طریقہ ڈھونڈ نکالا۔آج کل گھروں، دفاتر اور کام کرنے والی جگہوں پر وائی فائی کا استعمال عام ہے، عموماََ شہری وائی فائی سگنل کی رینج سے تنگ نظر آتے ہیں اور شکایت

کرتے رہتے ہیں مگر اب سائنسدانوں نے وائی فائی سگنل کی رینج بڑھانے کا سادہ ، آسان اور کم خرچ طریقہ ڈھونڈ نکالا ہے۔ ڈارٹ ماؤتھ کالج، نیو ہیپمشائر، امریکا کے ماہرین نے پیش کیا ہے جو بہت ہی سادہ، انتہائی آسان اور بے حد کم خرچ ہے۔ ان کا کہنا ہے کہ اگر وائی فائی راؤٹر کے سگنل کمزور ہوں تو انہیں طاقتور اور مضبوط بنانے کےلیے راؤٹر کے انٹینا پر ایک عدد دھاتی پنی (فوائل) مثلاً ایلومینم فوائل (کسی ٹوپی کی طرح) لپیٹ دیجیے۔ یہ کوئی خیالی بات نہیں بلکہ وہ اس ’’جگاڑ‘‘ کو باقاعدہ طور پر آزما چکے ہیں اور اس کی تفصیلات گزشتہ دنوں ہالینڈ میں منعقدہ ’’بلڈسس 2017‘‘ نامی کانفرنس میں پیش بھی کرچکے ہیں۔بادی النظر میں ایلومینم فوائل کے ذریعے وائی فائی سگنلوں کی طاقت بڑھانے کا راز بہت ہی سادہ ہے: وائی فائی راؤٹر سے نکلنے والے وائرلیس سگنل جب دھاتی پنی میں پہنچتے ہیں تو اس میں برقی مقناطیسی گمگ (الیکٹرومیگنیٹک ریزونینس) کا عمل واقع ہوتا ہے جس کے نتیجے میں عام وائرلیس سگنل کی طاقت معمول سے کئی گنا بڑھ جاتی ہے۔ بہترین نتائج حاصل کرنے کےلیے ایلومینم فوائل کی ’’ٹوپی‘‘ لہریئے دار ہونی چاہیے۔اس طریقے پر عمل کر کے آپ صرف 35ڈالر یعنی تقریباً 3600 پاکستانی روپےمیں وائی فائی راؤٹر کے سگنل طاقتور بنا سکتے ہیں۔

موضوعات:وائی فائی