ہفتہ‬‮ ، 13 دسمبر‬‮ 2025 

اسلام دشمنی عروج پر ۔۔۔! ٹوئیٹر کی ایسی رپوٹ جاری کہ سن کر آپ کا خون کھول اٹھے گا

datetime 18  اگست‬‮  2016 |

نیویارک(این این آئی) گذشتہ ماہ جولائی میں دنیا بھر میں ہر روز صرف انگریزی زبان میں تقریباً سات ہزار ’اسلام دشمن‘ ٹویٹس بھیجی گئیں۔اس کے مقابلے پر اپریل میں ڈھائی ہزار ایسی ٹویٹس کی گئی تھیں، تاہم فرانسیسی شہر نیس میں حملے اور ترکی میں بغاوت کی ناکام کوشش کے بعد ان میں تیزی آ گئی۔بائیں بازو سے تعلق رکھنے والے تھنک ٹینک ڈیموس کو ایسے 49 الفاظ اور ہیش ٹیگ ملے جن سے اسلام دشمنی ظاہر ہوتی تھی۔ٹوئٹر نے اس پر تاحال تبصرہ نہیں کیا۔میڈیارپورٹس کے مطابق مارچ اور جولائی میں کی جانے والی ٹویٹس کا جائزہ لیاگیا تو معلوم ہوا کہ ایسی 215,247 انگریزی ٹویٹس ہیں جو اسلام دشمن، حقارت آمیز یا نفرت انگیز ہیں۔یورپ میں سب سے زیادہ ایسی ٹویٹس برطانیہ سے کی گئیں، جب کہ اس کے بعد نیدرلینڈز، فرانس اور جرمنی تھے۔15 جولائی ایسا دن تھا جب سب سے زیادہ، یعنی 21,190 ٹویٹس بھیجی گئیں۔ اس سے ایک روز پہلے ایک شخص نے نیس میں ساحل پر موجود لوگوں پر ٹرک چڑھا کر 85 افراد کو ہلاک کر دیا تھا۔شدت پسند تنظیم دولتِ اسلامیہ نے کہا تھا کہ یہ حملہ اس کے ایک پیروکار نے کیا ہے۔ایک اور تیزی 17 جولائی کو ترکی میں ناکام بغاوت کے ایک روز بعد دیکھنے کو ملی، جب ایسی 10,610 ٹویٹس بھیجی گئیں۔ اس کے علاوہ 26 جولائی بھی اس حوالے سے سرگرم دن تھا۔ اسی دن فرانس کے شہر روآں میں شدت پسندوں نے ایک پادری کو چرچ کے اندر قتل کر دیا تھا۔ اس کی ذمہ داری بھی دولتِ اسلامیہ نے قبول کی تھی۔تھنک ٹینک ڈیموس کے ریسرچ ڈائریکٹر کارل ملر نے کہا کہ یہ ٹویٹس اس لحاظ سے پریشان کن ہیں کیوں کہ یہ اس بات کی علامت ہیں کہ لوگ ’دولت اسلامیہ پر نہیں بلکہ وسیع تر مسلم دنیا پر برہم ہیں۔انھوں نے ان ٹویٹس کو ’نقصان دہ، ضرررساں اور انتہائی بڑے مسئلے کا باعث‘ قرار دیا۔ البتہ انھوں نے کہا کہ برطانوی قانون کے تحت ان کی ’بہت قلیل تعداد ہی کو غیرقانونی کہا جا سکتا ہے۔‘کارل ملر کے مطابق قانون صرف اس صورت میں ٹوٹتا ہے جب کسی کی زندگی کو واقعی خطرہ ہو، لیکن اس قسم کی دشنام طرازی زد میں زیادہ تر آن لائن افراد ہی آتے ہیں۔

موضوعات:

آج کی سب سے زیادہ پڑھی جانے والی خبریں


کالم



اسے بھی اٹھا لیں


یہ 18 اکتوبر2020ء کی بات ہے‘ مریم نواز اور کیپٹن…

جج کا بیٹا

اسلام آباد میں یکم دسمبر کی رات ایک انتہائی دل…

عمران خان اور گاماں پہلوان

گاماں پہلوان پنجاب کا ایک لیجنڈری کردار تھا‘…

نوٹیفکیشن میں تاخیر کی پانچ وجوہات

میں نریندر مودی کو پاکستان کا سب سے بڑا محسن سمجھتا…

چیف آف ڈیفنس فورسز

یہ کہانی حمود الرحمن کمیشن سے شروع ہوئی ‘ سانحہ…

فیلڈ مارشل کا نوٹی فکیشن

اسلام آباد کے سرینا ہوٹل میں 2008ء میں شادی کا ایک…

جنرل فیض حمید کے کارنامے(آخری حصہ)

جنرل فیض حمید اور عمران خان کا منصوبہ بہت کلیئر…

جنرل فیض حمید کے کارنامے(چوتھا حصہ)

عمران خان نے 25 مئی 2022ء کو لانگ مارچ کا اعلان کر…

جنرل فیض حمید کے کارنامے(تیسرا حصہ)

ابصار عالم کو 20اپریل 2021ء کو گولی لگی تھی‘ اللہ…

جنرل فیض حمید کے کارنامے(دوسرا حصہ)

عمران خان میاں نواز شریف کو لندن نہیں بھجوانا…

جنرل فیض حمید کے کارنامے

ارشد ملک سیشن جج تھے‘ یہ 2018ء میں احتساب عدالت…