واشنگٹن(مانیٹرنگ ڈیسک) امریکی ٹیکنالوجی کمپنی ایپل نے کہا ہے کہ وہ اپنے نئے موبائل سافٹ ویئر کے ذریعے انسانی اعضاء4 عطیہ کرنے کے عمل کو فروغ دے گی۔کمپنی کی جانب سے جاری ہونے والے ایک بیان کے مطابق اس سافٹ ویئر کے ذریعے ملک بھر کے صارفین ایک غیر سرکاری تنظیم کے زیر اہتمام چلنے والے ادارے ’’ نیشنل ڈونیٹ لائف رجسٹری‘‘ کو آئی فون کے ذریعے اپنی آنکھیں، اعضا اور بافتیں عطیہ کرسکیں گے، یہ ایک بڑا اقدام ہے جس کے ذریعے بڑی تعداد میں قیمتی انسانی جانوں کو بچایا جا سکے گا۔یاد رہے کہ امریکہ میں اعضا کی ٹرانسپلانٹیشن کے انتظار میں ہرگھنٹے بعد ایک شخص ہلاک ہوتا ہے جس کی وجہ اعضاء4 کی طلب میں اضافہ جبکہ ان کی کم دستیابی ہے۔