کراچی (این این آئی) مدینہ منورہ سے لاہور آنے والی پاکستان انٹرنیشنل ایئرلائنز (پی آئی اے) کی پرواز کو دورانِ سفر ایک مسافر کی طبیعت اچانک خراب ہونے پر کراچی ایئرپورٹ پر ہنگامی لینڈنگ کرنا پڑی۔
ذرائع کے مطابق پرواز پی کے میں سوار 75 سالہ مسافر کو دورانِ پرواز دل کا دورہ پڑا، جس پر پائلٹ نے فوری طور پر طیارے کا رخ کراچی کی جانب موڑ دیا اور کراچی ایئرپورٹ پر میڈیکل ایمرجنسی لینڈنگ کی۔پاکستان ایئرپورٹ اتھارٹی کی میڈیکل ٹیم نے ایئرپورٹ پر مسافر کو فوری طبی امداد فراہم کی، تاہم طبیعت زیادہ خراب ہونے کے باعث انہیں مزید علاج کے لیے اسپتال منتقل کردیا گیا۔واقعے کے بعد پی آئی اے کی پرواز دیگر مسافروں کو لے کر اپنی منزل لاہور کے لیے دوبارہ روانہ ہوگئی۔



















































