اسلام آباد (این این آئی)وفاقی دارلحکومت اسلام آباد کے ڈی چوک اور آس پاس کی تمام اہم شاہراوں پر کنٹینرز پہنچانے شروع کر دیئے گئے ۔
تفصیلات کے مطابق پاکستان تحریک انصاف اور جماعت اسلامی کے رواں ماہ لانگ مارچز اور دھرنوں کی کال کے پیش نظر حکومت اور انتظامیہ کی طرف سے شہر اقتدار کو قبل از وقت تقریباً سیل کرنے کے اقدامات اٹھائے جارہے ہیں۔اسلام آباد کے ایمبیسی روڈ، سرینا چوک، نادرا چوک، ایکسپریس چوک، ایوب چوک اور تمام مضافاتی چوکوں اور چوراہوں پر قریباً 400کے قریب کنٹرینیرز پہنچائے گئے ہیں جبکہ مزید کنٹرینرز بھی لائے جا رہے ہیں۔
ڈی چوک میں ڈبل لیئر کنٹینرز ڈی چوک کے ارد گرد رکھے جا رہے ہیں، شہر اقتدار میں کے پی، پنجاب اور آزاد کشمیر سے آنے والی سڑکوں کے اطراف بھی کنٹینرز رکھے جارہے ہیں، جنہیں وقت ضرورت ہر طرح کی ٹریفک بندش کے لیے استعمال کیا جائے گا۔
