چونیاں( این این آئی)چونیاں میں زہریلا کھانا کھانے سے دو لڑکیاں جاں بحق جبکہ والدین کی حالت تشویشناک ہوگئی۔
ریسکیو ذرائع کے مطابق اہل خانہ نے گھر میں پکا ہوا کھانا کھایا تھا جس کے بعد والدین اور دو لڑکیوں کی طبیعت بگڑ گئی۔ متاثرہ خاندان کوتشویشناک حالت میں لاہور کے ہسپتال منتقل کیا تاہم 20 سالہ عمارہ اور 13سالہ تحریم جانبر نہ ہوسکیں اور دم توڑ گئیں۔لڑکیوں کے والد محمود اور والدہ شاہدہ بی بی کی حالت بھی تشویشناک ہے۔ قانونی کارروائی کے بعد دونوں لڑکیوں کی لاشیں آبائی گائوں ارجن سنگھ منتقل کردی گئیں۔
