اسلام آباد (نیوز ڈیسک): وفاقی دارالحکومت اسلام آباد میں ایک غیرملکی خاتون نے خواتین پولیس اہلکاروں پر بدسلوکی اور مبینہ تشدد کا الزام عائد کیا ہے، جبکہ اس واقعے کی ایک ویڈیو بھی منظرعام پر آ گئی ہے۔
ذرائع کے مطابق واقعے کا آغاز ایک مالی لین دین کے تنازع سے ہوا، جس پر غیرملکی خاتون نے خود پولیس کو سیکٹر ایف-6 طلب کیا تھا۔ تاہم خاتون کا دعویٰ ہے کہ مدد فراہم کرنے کے بجائے انہیں تھانہ کوہسار میں خواتین اہلکاروں کی جانب سے مبینہ طور پر تشدد کا سامنا کرنا پڑا۔
سوشل میڈیا پر گردش کرنے والی ویڈیو میں خاتون کو مدد کی اپیل کرتے ہوئے سنا جا سکتا ہے، جہاں وہ کہتی ہیں کہ پولیس ان کے ساتھ مارپیٹ کر رہی ہے۔ ویڈیو میں بعض خواتین اہلکاروں کا رویہ بھی زیر بحث آیا ہے، جس پر مختلف حلقوں کی جانب سے سوالات اٹھائے جا رہے ہیں۔
تاحال پولیس کی جانب سے اس معاملے پر باضابطہ مؤقف سامنے نہیں آیا، جبکہ واقعے کی حقیقت جاننے کے لیے مزید تحقیقات کیے جانے کا امکان ہے۔
آسلام آباد پولیس کا foreigner خاتون پر تشدد!!
آسلام آباد خاتون پولیس نے فارنر خاتون پر تشدد کیا اور موبائل چھیننے کی کوشش,
پاکستان کا ہر ادارہ تباہ ہوچکا ہے!! pic.twitter.com/VweE2cVjFu— ZEShan ⚫ (@zeshmohmand) July 10, 2026
