اسلام آباد (نیوزڈیسک)اسلام آباد سمیت ملک کے مختلف شہروں میں زلزلے کے شدید جھٹکے محسوس کیے گئے،
جس کے باعث شہری خوفزدہ ہو کر گھروں اور عمارتوں سے باہر نکل آئے۔اطلاعات کے مطابق دارالحکومت اسلام آباد کے علاوہ چترال، سوات، نوشہرہ اور راولپنڈی سمیت کئی علاقوں میں زلزلے کی لرزش محسوس کی گئی۔ جھٹکوں کے دوران لوگ کلمہ طیبہ کا ورد کرتے ہوئے کھلے مقامات کی جانب نکل آئے، جبکہ ضلعی انتظامیہ نے فوری طور پر ریسکیو اداروں کو الرٹ جاری کر دیا۔بعد ازاں زلزلہ پیما مرکز نے بتایا کہ زلزلے کی شدت 5.7 ریکارڈ کی گئی، جبکہ اس کی گہرائی 170 کلومیٹر تھی۔
