لاہور (این این آئی) صوبائی وزیر بلدیات ذیشان رفیق نے کہا ہے کہ وزیراعلیٰ مریم نواز شریف کی ذاتی دلچسپی سے پنجاب کے 37 اضلاع اور 128 تحصیلوں کی ماسٹر پلاننگ ہوچکی ہے،
پنجاب سپیشئل spatial پلاننگ اتھارٹی(پی ایس پی اے) کے آرٹیفیشل انٹیلیجنس (اے آئی) سسٹم کی ٹریننگ جاری ہے، وقت کے ساتھ ساتھ اے آئی خودبخود مانیٹرنگ کا اپنا معیار بہتر بنا لے گی۔ وہ سول سیکرٹریٹ میں پی ایس پی اے کے حوالے سے ایک اجلاس کی صدارت کر رہے تھے۔ سپیشل سیکرٹری ڈویلپمنٹ آسیہ گْل اور ایڈیشنل سیکرٹری قرةالعین نے بھی شرکت کی جبکہ ڈائریکٹر جنرل پی ایس پی اے عبداللہ نئیر نے اجلاس کو بریفنگ دی۔وزیر بلدیات ذیشان رفیق نے کہا کہ صوبے میں اراضی کے استعمال کے پلانز اور زوننگ کا کام بھی کر لیا گیا ہے۔ وزیراعلیٰ مریم نواز نے پاکستان کا پہلا سیٹلائٹ سرویلینس سسٹم بنانے کی ہدایت کی ہے۔ انہوں نے کہا کہ پلاننگ سپورٹ سسٹم (پی ایس ایس) ای بِز اور ای کنسٹرکشن سے منسلک ہے۔ ای بِز پر ہی ہائوسنگ سکیموں کی درخواست کا عمل آن لائن مکمل ہوسکتا ہے۔ وزیر بلدیات نے کہا کہ پی ایس پی اے کے سسٹم کے ذریعے ہر ماہ نئی تعمیراتی سرگرمیوں کا پتہ چلایا جائے گا۔ پی ایس پی اے نے پورا ڈیجیٹل ایکو سسٹم ڈویلپ کیا ہے۔
سیٹلائٹ امیجری کی کلاسیفیکیشن کا بھی کام کیا جا رہا ہے۔ انہوں نے کہا کہ ہر ڈپٹی کمشنر آفس میں پی ایس پی اے کا نمائندہ لگایا جا رہا ہے۔ ذیشان رفیق نے کہا کہ پی ایس ایس بننے سے ہائوسنگ سکیموں کی منظوری کا عمل آسان ہوگیا ہے۔ زرعی اور جنگلات کی اراضی کا تحفظ وزیراعلیٰ مریم نواز کا فوکس ہے۔ پی ایس پی اے وزیراعلیٰ کے ویژن کے تحت ہی بنائی گئی ہے۔ صوبائی وزیر نے پنجاب جیو سپیشئل spatial پلیٹ فارم کی تشکیل پر اظہار اطمینان کرتے ہوئے ڈی جی پی ایس پی اے کو ہدایت کی کہ پورٹل کے فیچرز میں مزید آسانی پیدا کرنے کے لئے پی آئی ٹی بی کے ساتھ مل کر کام کیا جائے۔
