اسلام آباد (نیوز ڈیسک) لاہور ہائی کورٹ راولپنڈی بینچ نے انجینیئر محمد علی مرزا کی ضمانت منظور کرتے ہوئے انہیں رہائی کا ریلیف فراہم کر دیا۔
عدالتی حکم کے مطابق محمد علی مرزا کو آزادی کے لیے دو ضمانتی مچلکے، ہر ایک پانچ لاکھ روپے کے، جمع کرانا ہوں گے۔

یہ درخواستِ ضمانت لاہور ہائی کورٹ راولپنڈی بینچ کے جج جسٹس صداقت علی خان نے سماعت کے بعد منظور کی۔
یاد رہے کہ انجینیئر محمد علی مرزا کے خلاف جہلم میں توہینِ مذہب کا مقدمہ درج ہے، جبکہ اس سے قبل انہیں دفعہ 3 ایم پی او کے تحت گرفتار کرکے جیل بھی بھیجا گیا تھا۔