پشاور(این این آئی) خیبر پختونخوا میں موسم جزوی ابرآلود رہے گا ، صوبے کے بیشتر اضلاع میں بارش کا امکان ہے۔محکمہ موسمیات کے مطابق آئندہ چوبیس گھنٹوں میں پشاور، نوشہرہ ، چارسدہ ، مردان ، چترال ، دیر ، سوات ، شانگلہ ، کوہستان ، مالاکنڈ ، بونیر میں بارش کا امکان ہے۔

مانسہرہ ، بٹگرام ، تورغر ، ایبٹ آباد ، ہری پور ، صوابی ،باجوڑ ، مہمند ، خیبر ، اورکزئی ، کوہاٹ میں بھی بارش ہو گی ، ہنگو،کرک ، بنوں ، کرم ، شمالی وز یرستان میں بھی بارش متوقع ہے ، محکمہ موسمیات کے مطابق پشاور کا کم سے کم درجہ حرارت 24 ڈگری سینٹی گریڈ ریکارڈ، شہر کا زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے۔ کالام اور مالم جبہ میں درجہ حرارت 12 ، دیر میں 16 ڈگری سینٹی گریڈ ریکارڈ ، ڈی آئی خان میں پارا 38 ڈگری سینٹی گریڈ تک جائے گا ۔