اسلام آباد (نیوز ڈیسک)پنجاب کے دو اضلاع، جھنگ اور چنیوٹ، کو دریائے چناب، راوی اور ستلج میں آنے والے سیلابی ریلوں سے بچانے کے لیے رواز پل کو توڑنے کا فیصلہ کیا گیا ہے۔چیف سیکریٹری پنجاب زاہد اختر زمان کی سربراہی میں پی ڈی ایم اے کمیٹی روم میں اہم اجلاس منعقد ہوا، جس میں صوبائی وزراء صحت خواجہ سلمان رفیق اور خواجہ عمران نذیر نے ویڈیو لنک کے ذریعے شرکت کی۔ ریلیف کمشنر نبیل جاوید اور ڈی جی پی ڈی ایم اے عرفان علی کاٹھیا بھی اجلاس میں موجود تھے۔
اجلاس میں فیصلہ کیا گیا کہ جھنگ اور چنیوٹ کے تحفظ کے لیے رواز پل کو جزوی طور پر کھولا جائے گا، جبکہ ننکانہ صاحب، شیخوپورہ اور ٹوبہ ٹیک سنگھ کے دریائی پٹی والے علاقوں کو فوری طور پر خالی کرانے کی ہدایت دی گئی۔سیلاب سے متاثرہ اضلاع میں اضافی انتظامی افسران کی تعیناتی کا بھی فیصلہ کیا گیا اور متاثرہ علاقوں کے تعلیمی ادارے ایک ہفتے کے لیے بند کرنے پر غور جاری ہے۔
کلینک آن ویلز کو بھی فوری طور پر متاثرہ علاقوں میں روانہ کرنے کے احکامات دیے گئے۔چیف سیکریٹری نے بتایا کہ وزیراعلیٰ پنجاب کی ہدایت کے مطابق ریسکیو اور ریلیف کے لیے تمام وسائل فراہم کیے جا رہے ہیں۔ متاثرہ مقامات پر ٹینٹ ویلیجز قائم کرنے کی ہدایت دیتے ہوئے انہوں نے کہا کہ وہاں تمام بنیادی اور طبی سہولیات کی فراہمی کو یقینی بنایا جائے۔انہوں نے مزید کہا کہ سیلاب زدہ علاقوں میں مویشیوں کے لیے چارے کی فراہمی کو یقینی بنایا جائے، اور محکمہ لائیو اسٹاک اس سلسلے میں ونڈہ چارہ اور ویکسین فراہم کرنے کا ذمہ دار ہے۔ میڈیکل کیمپس میں ضروری ادویات اور سانپ کے کاٹنے کی
