اسلام آباد (نیوز ڈیسک)سوشل میڈیا پر ایک ویڈیو تیزی سے گردش کر رہی ہے جس میں دعویٰ کیا جا رہا ہے کہ ایک شخص کو قبروں کی بے حرمتی کے الزام میں گرفتار کر لیا گیا ہے، اور وہ شخص اپنے جرم کا اعتراف بھی کر رہا ہے۔ویڈیو کے مطابق، ملزم کی شناخت سلیم ولد عبدالوحید کے نام سے ہوئی ہے، جسے کراچی کے علاقے کورنگی کے قبرستان میں حالیہ دفن کی گئی خواتین کی قبروں کو کھول کر ان کی بے حرمتی کرنے کے دوران رنگے ہاتھوں پکڑا گیا۔

ملزم نے ویڈیو میں اعتراف کرتے ہوئے کہا کہ وہ قبر کھول رہا تھا جب اسے پکڑا گیا۔ اس کے مطابق، وہ مردہ خواتین کے کفن ہٹانے اور جسم کو چھونے کے بعد قبر دوبارہ بند کر دیتا تھا۔ اس نے انکشاف کیا کہ وہ اس سے پہلے بھی تین قبروں کے ساتھ ایسا کر چکا ہے۔ویڈیو میں موجود ایک شخص کے سوال پر کہ اسے کیسے معلوم ہوتا ہے کہ قبر عورت کی ہے یا مرد کی؟ ملزم نے بتایا کہ وہ ان قبروں کو نشانہ بناتا ہے جن پر تازہ پھول رکھے ہوتے ہیں۔ وہ قبر کو پاؤں کی طرف سے کھول کر دیکھتا ہے کہ میت مرد کی ہے یا خاتون کی، اور پھر اپنی مذموم حرکت کے بعد قبر بند کر کے واپس چلا جاتا ہے۔