لاہور( این این آئی) گرینڈ ہیلتھ الائنس کے دھرنے پرپولیس تشدد کے بعد ینگ ڈاکٹرز نے پنجاب بھر کے ہسپتالوں کی او پی ڈیز بند کرنے کا اعلان کردیا ۔ینگ ڈاکٹرز ایسوسی ایشن نے اعلان کرتے ہوئے پنجاب بھر کے ہسپتالوں کی او پی ڈیز بند کرنے کی کال دے دی ۔
ڈاکٹر شعیب نیازی نے کہا کہ ہفتے کے روز پنجاب کے تمام ہسپتالوں کے آوٹ ڈور بند رہیں گے،پولیس نے طبی عملے پر تشدد کیا، طبی عملے پر تشدد کے پیش نظر اوپی ڈی بند کرنے کی کال دی، پیر کو آئندہ لائحہ عمل کا اعلان کریں گے۔
