اسلام آباد (نیوز ڈیسک)رمضان المبارک کے دوران پنجاب کے سرکاری اسکولوں میں ہفتے کے روز تعطیل کا اعلان کر دیا گیا، اس دن تمام تعلیمی ادارے بند رہیں گے۔محکمہ اسکول ایجوکیشن نے اساتذہ کے لیے رمضان المبارک میں نئی ہدایات جاری کر دی ہیں، جن کے تحت سرکاری اسکولوں میں ہفتے کی چھٹی دی گئی ہے۔
اس حوالے سے ایجوکیشن ڈیپارٹمنٹ کی جانب سے باضابطہ نوٹیفکیشن جاری کر دیا گیا ہے۔جاری کردہ مراسلے میں ہدایت دی گئی ہے کہ ہفتے کے روز تمام سرکاری اسکول بند رہیں گے اور اساتذہ کو بھی چھٹی دی جائے گی۔ تمام تعلیمی اداروں کو اس فیصلے پر عمل درآمد یقینی بنانے کی ہدایت کی گئی ہے۔ یہ سہولت صرف رمضان المبارک کے مہینے کے لیے دی گئی ہے۔
