لاہور( این این آئی)وفاقی وزارت تخفیف غربت و سماجی تحفظ نے سال 2025 کے لیے زکوة کا نصاب جاری کر دیا ۔ وزارت تخفیف غربت و سماجی تحفظ کی جانب سے بینکوں کو مراسلہ بھیجا گیا ہے جس کے مطابق یکم رمضان کو اگر آپ کے اکائونٹ میں ایک لاکھ 79 ہزار 689 روپے یا اس سے زائد رقم ہوئی تو زکو ةکٹوتی ہوگی،وزارت تخفیف غربت و سماجی تحفظ کے مطابق بچت اکائونٹ، نفع ونقصان اور اس طرح کے اکائونٹس پر زکو ةلاگو ہوگی۔
کرنٹ اکائونٹس سے زکو ة نہیں کاٹی جائے گی۔بینکوں کو بھیجے گئے مراسلے میں کہا گیا ہے کہ زکو ةکی مد میں کٹوتی یکم یا 2 مارچ کو رمضان کی پہلی تاریخ کی مناسبت سے ہوگی۔ زکو ةو عشر آرڈیننس 1980 کے مطابق یکم رمضان المبارک کو 1 لاکھ 79 ہزار689 روپے سے کم بیلنس کے اکائونٹس زکو ةکٹوتی سے مستثنیٰہوں گے اور ان سے زکو ة منہا نہیں کی جائے گی۔
