اسلام آباد(این این آئی)حکومت نے وفاقی کابینہ میں توسیع کا فیصلہ کر لیا۔ذرائع کے مطابق کابینہ کا حصہ بننے والے نئے وزرا ء (آج)جمعرات کو حلف اٹھائیں گے، حلف برداری کی تقریب آج جمعرات کی شام 4بجے ایوان صدر میں ہو گی، نئے وزراء کی تعداد کا حتمی فیصلہ وزیراعظم کریں گے۔
ذرائع کے مطابق نئے وفاقی وزرا ء اور وزرائے مملکت عہدے کا حلف اٹھائیں گے، وزیر اعظم اور سروسز چیفس تقریب حلف برداری میں شرکت کریں گے۔ذرائع کے مطابق ایوان صدر کو نئے وزرا ء کی فہرست تاحال فراہم نہیں کی گئی، 10کے قریب نئے وزراء کی کابینہ میں شمولیت کا امکان ہے۔ذرائع نے بتایا کہ طارق چوہدری، مصطفی کمال، خالد مگسی اور حنیف عباسی بطور وزیر آج جمعرات کو حلف اٹھائیں گے۔
