راولپنڈی (این این آئی) راولپنڈی کے تھانہ واہ صدر کے علاقے سے اعلی نسل کے دو بیش قیمت جرمن شیفرڈ کتے چوری ہوگئے۔چوری کی واردات کی اطلاع ملنے پر ایس ایچ او واہ صدر محسن شاہ کی سربراہی میں پولیس نے ملزمان کا سراغ لگا کر گروہ کے سرغنہ سیف عرف سیفی سمیت سمیع اور سانول کو گرفتار کرکے دونوں کتے، موٹر سائیکل ایک ایل ای ڈی اور ساڑھ 18ہزار روپے کی نقدی برآمد کرلی۔

حکام کے مطابق ملزمان نقب زنی اور منشیات کے مقدمات کے ریکارڈ یافتہ ہیں جن کو ٹھوس شواہد کے ساتھ عدالت میں مضبوط چالان کے ساتھ پیش کیا جائے گا۔