لاہور ( این این آئی) سپارکو نے رمضان المبارک کا چاند یکم مارچ کو نظر آنے کی پیش گوئی کر دی۔ترجمان سپارکو کے مطابق پاکستان میں رمضان المبارک 2مارچ 2025سے شروع ہونے کا امکان ہے۔ترجمان نے بتایا کہ رمضان کا چاند 28فروری 2025کو شام 5بج کر 45منٹ پر پیدا ہوگا اور 28فروری کو غروبِ آفتاب کے وقت چاند کی عمر 12گھنٹے ہوگی۔

ترجمان نے کہا کہ 28فروری کو چاند کی کم بلندی اور فاصلے کی وجہ سے اس کا نظر آنا مشکل ہوگا۔انہوں نے بتایا کہ 28فروری کو چاند اور سورج کا زاویائی فاصلہ 7ڈگری ہوگا جس کی وجہ سے چاند انسانی آنکھ سے نظر نہیں آئے گا۔ترجمان کا کہنا تھا کہ سعودی عرب میں رمضان المبارک یکم مارچ سے شروع ہوگا۔ترجمان نے مزید بتایا گیا کہ شوال کا چاند 30مارچ کو نظر آنے کی توقع ہے جس کے نتیجے میں عید الفطر 31مارچ کو ہو سکتی ہے۔ترجمان نے واضح کیا کہ رمضان کے چاند کی رویت کا حتمی فیصلہ مرکزی رویت ہلال کمیٹی کے پاس ہے۔