پشاور(این این آئی)خیبر پختونخوا کے تعلیمی اداروں میں اسٹڈی ٹور اور پکنک پر پابندی عائد کردی گئی۔ڈائریکٹوریٹ آف ایلیمنٹری اینڈ سیکنڈری ایجوکیشن کے جاری اعلامیہ کے مطابق محکمہ تعلیم خیبر پختونخوا نے تعلیمی اداروں میں ہر قسم کے اسٹڈی ٹور اور پکنک پر پابندی عائد کی گئی ہے۔
محکمہ تعلیم کے افسران، پرائمری، مڈل، ہائی اور ہائیر سیکنڈری اسکولوں کے سربراہان کو عملدر آمد کرنے کی ہدایت کی گئی ہے۔خیبرپختونخوا کے محکمہ تعلیم کی جانب سے جاری اعلامیہ کے مطابق اسکولوں کے سربراہان کو پابندی کا اطلاق کروانے کا حکم نامہ جاری کر دیا گیا ہے۔
