اسلام آبا د(این این آئی)سینیٹر فیصل واوڈا نے کہا ہے کہ کراچی پورٹ کی 40 ارب روپے کی سرکاری قیمت کی زمین 5 ارب روپے میں دے دی گئی۔سینیٹ قائمہ کمیٹی بحری امور کا اجلاس فیصل واوڈا کی زیرِ صدارت ہوا۔چیئرمین کمیٹی بحری امور فیصل واوڈا نے اجلاس میں انکشاف کیا کہ کراچی پورٹ کی 500 ایکڑ کی زمین کی مارکیٹ ویلیو 60 ارب روپے سے زیادہ ہے۔

انہوں نے کہا کہ کراچی پورٹ کی زمین کی الاٹمنٹ کے سودے فوری روکے جائیں، پورٹ میں زمین کی الاٹمنٹ شفاف کریں گے۔فیصل واوڈا نے کہا کہ کراچی پورٹ میں زمین کی الاٹمنٹ میں میگا اسکینڈل ہے۔انہوںنے کہاکہ کراچی پورٹ کی زمین کی الاٹمنٹ ایس آئی ایف سی کی مشاورت سے کریں گے۔