اسلام آباد (نیوز ڈیسک) ایک 19 سالہ نوجوان کی محبت میں گرفتار ہو کر پاکستان آنے والی امریکی خاتون کو شادی کی ایک نئی پیشکش موصول ہوئی ہے۔ کراچی کے ایک شہری نے ان سے نکاح کے لیے دلچسپی ظاہر کی، تاہم اس کے لیے ایک خاص شرط بھی رکھی ہے۔سوشل میڈیا پر وائرل ہونے والی ایک ویڈیو میں مذکورہ شہری نے اپنا تعارف کراتے ہوئے بتایا کہ ان کا نام عبدالرحیم ہے۔

انہوں نے مزید کہا کہ وہ پیشے کے لحاظ سے اس وقت ڈرائیور کے طور پر کام کر رہے ہیں، جبکہ ماضی میں ایک سرکاری ملازم بھی رہ چکے ہیں۔اپنی بات کو آگے بڑھاتے ہوئے عبدالرحیم نے انکشاف کیا کہ وہ اپنی بیوی کو پہلے ہی اس فیصلے سے آگاہ کر چکے ہیں۔ ان کا کہنا تھا کہ انہوں نے اہلیہ کو پیغام بھیجا ہے کہ اگر اجازت ملی تو وہ دوسری شادی کرلیں گے۔ ان کے مطابق، اسلامی احکامات کے تحت بیوی کی اجازت لینا ضروری نہیں، لیکن پھر بھی انہوں نے اخلاقاً اپنی شریکِ حیات کو مطلع کر دیا ہے۔عبدالرحیم نے اس ممکنہ شادی کے لیے ایک شرط بھی رکھی۔ ان کا کہنا تھا کہ اگر امریکی خاتون ہندو یا عیسائی ہیں تو انہیں اسلام قبول کرنا ہوگا، تب ہی وہ نکاح کے لیے تیار ہوں گے۔