لاہور ( این این آئی) لاہور کے علاقہ شادمان میں نوکری کا جھانسہ دے کر 17سالہ لڑکی کو مبینہ زیادتی کا نشانہ بنا دیا گیا ۔ پولیس کا کہنا ہے کہ ملزم علی رضا 17سالہ عروج فاطمہ کو ورغلا کر شادمان مارکیٹ میں واقع ہوٹل لیے گیا ،ملزم علی رضا ہوٹل میں لڑکی سے زیادتی کے بعد فرار ہو گیا تھا۔

متاثرہ لڑکی لاہور میں اپنے ماموں کے پاس رہائش پذیر تھی۔شادمان پولیس نے واقعہ میں ملوث ملزم کو جدید ٹیکنالوجی سے ٹریس کرکے گرفتار کر لیا۔ایس پی ماڈل ٹائون اخلاق اللہ نے ایس ایچ او و پولیس ٹیم کو شاباش دیتے ہوئے کہا کہ خواتین کا استحصال کرنے والے کسی رعایت کے مستحق نہیں۔