اسلام آباد (این این آئی)آئی پی پیز سے مذاکرات کے نتیجے میں ایک اورکمپنی سے معاملات طے پاگئے۔ذرائع وزارت توانائی کے مطابق سیف پاورکمپنی کے بورڈ نے پاورپرچیز ایگریمنٹ معاہدے میں ترامیم کی منظوری دے دی۔ذرائع کے مطابق بورڈ نے موجودہ ٹیرف تبدیل کرکے ٹاسک فورس کے تجویز کردہ ٹیرف پر نظر ثانی کی ہے، سیف پاور کمپنی ہائبرڈ ٹیک اینڈ پے ٹیرف معاہدے پر عمل کی پابند ہوگی۔
ذرائع کے مطابق کمپنی نے پاکستان سٹاک ایکسچینج کو اعلامئے کے ذریعے مطلع کردیا ہے۔ذرائع کے مطابق دیگر پاور مالکان سے بھی بات چیت آخری مراحل میں داخل ہو چکی ہے ،31دسمبر تک مزید معاہدے سامنے آنے کا امکان ہے۔
