اسلام آباد(این این آئی) سابق وفاقی وزیر سینیٹر فیصل واوڈا نے بشری بی بی کو عمران خان کی زندگی کیلئے خطرہ قرار دے دیا۔ نجی ٹی وی سے گفتگو میں سینیٹر فیصل واوڈا نے کہاکہ بانی پی ٹی آئی عمران خان کی زندگی کیلئے بہت فکرمند ہوں، ان کی زندگی کو خطرہ ہے، اگر عمران خان کو بچانا ہے تو بشری بی بی سے جان چھڑانی ہوگی۔
انہوں نے کہا کہ جب تک بشری بی بی ساتھ ہیں، عمران خان کی نہ سیاست ہوگی اور نہ آزادی، بشری بی بی کبھی عمران خان کو دہی کھلادیتی ہیں کبھی کچھ اور چیز ،یہ لوگ بانی پی ٹی آئی کی لاش پر سیاست کرنا چاہتے ہیں ۔
