اسلام آباد (این این آئی)وزیرِ اعظم شہباز شریف کے مشیر برائے سیاسی امور رانا ثنا اللہ نے کہا ہے کہ فی الحال لگتا ہے بانی پی ٹی آئی کو 190ملین پائونڈ میں سزا ہوگی۔ایک بیان میں انہوں نے کہا کہ بانی پی ٹی آئی اپنے دشمن خود ہیں، پی ٹی آئی کو جب بھی بات کرنا ہوگی وہ ہمارے ساتھ ہی ہوگی، ترامیم کیلئے بندے اٹھانے والی بات درست نہیں بلکہ وہ سب ڈرامہ تھا۔

انہوں نے کہا کہ کس نے ڈرامہ کیا؟، یہ بات بانی اور پی ٹی آئی سب کو پتا ہے۔انہوں نے کہا کہ اپوزیشن کے ساتھ مذاکرات چل رہے ہیں لیکن اس بار پہلے تفصیل نہیں بتائیں گے۔انہوں نے کہا کہ محمود اچکزئی اور فضل الرحمن کیساتھ پی ٹی آئی کے لوگوں سے بھی رابطے ہیں، سیاسی مسائل کا حل سیاسی طور پر ہی ہوسکتا ہے۔