اسلام آباد (این این آئی)ڈی چوک احتجاج کے دوران وزیر اعلی خیبر پختونخوا علی امین گنڈاپور کا سامان خیبرپختونخوا ہائوس اسلام آباد سے غائب ہونے کا انکشاف ہوا ہے۔ذرائع سی ایم ہائوس کے مطابق علی امین گنڈاپور کے 2آئی فون 15 پرو میکس غائب ہوئے ہیں جبکہ دیگر سامان میں ان کا پرس، دستاویزات اور لائسنس یافتہ اسلحہ شامل ہے،موبائل گم ہونے سے اہم نمبر بھی چلے گئے جس سے وزیر اعلی علی امین گنڈاپور پریشان ہیں، انہوں نے میٹنگ میں اراکین اسمبلی سے پریشانی کا اظہار کرتے ہوئے فون نمبرز مانگ لئے۔
دوسری جانب نجی ٹی وی سے گفتگو میں وزیر پبلک ہیلتھ انجینئرنگ خیبر پختونخوا پختون یار نے کہا ہے کہ وزیر اعلی کے 2موبائل، دستاویزات اور دیگر سامان کے پی ہائوس سے آئی جی اسلام آباد لے گئے تھے،علی امین کے سامان میں نقدی، کپڑے اور لائسنس یافتہ اسلحہ بھی شامل ہے، کے پی ہائوس میں آئی جی اسلام آباد کی سربراہی میں پولیس اہلکاروں نے وزیر اعلی کی گاڑی کے شیشے توڑے گئے جس کی ویڈیو موجود ہے۔
