پشاور (این این آئی)خیبرپختونخوا کی تاریخ میں پہلی بار خواجہ سراء کی نازیبا ویڈیو سوشل میڈیا پر وائرل ہونے کے معاملے پر پیکا ایکٹ کے تحت مقدمہ درج کرلیا گیا۔پولیس نے ڈولفن آیان کیس میں خیبرپختونخوا کی تاریخ میں پہلی بار پیکا ایکٹ کے تحت مقدمہ درج کرلیا، مقدمہ ڈولفن آیان کی درخواست پر تھانہ ہشنگری میں ملزمان کے خلاف درج کرلیا گیا ہے۔

ڈولفن آیان کی مدعیت میں درج مقدمے میں ملزم عمران سمیت سات افراد کو نامزد کرتے ہوئے الزام عائد کیا گیا ہے کہ عمران اور اس کے ساتھیوں نے 2023ء میں شبقدر سے اسلحے کی نوک پر اٹھایاا ور اپنے حجرے میں لے گئے اور نازیبا ویڈیو بنائی۔ انہوں نے کہا کہ ملزمان ویڈیو کے ذریعہ بلیک میل کرتے رہے اور بعدازاں 29اکتوبر کو سوشل میڈیا پر اپنی ویڈیو وائرل ہونے کا پتا چلا جبکہ ملزم عمران اور اس کے ساتھی ملنے کیلئے بھی بلاتے تھے۔ڈولفن آیان نے درخواست میں کہا ہے کہ ویڈیو وائرل ہونے سے میری اور میرے خاندان کی ساکھ اور عزت مجروح ہوئی ہے لہٰذا ملزمان کو گرفتار کیا جائے۔