لاہور(این این آئی)بانی جماعتِ اسلامی مولانا سید ابوالاعلیٰ مودودی کے دیرینہ ساتھی چوہدری اسلم سلیمی انتقال کر گئے۔چوہدری اسلم سلیمی کچھ عرصے سے علیل تھے، انتقال کے وقت ان کی عمر 92 سال تھی۔

وہ جماعتِ اسلامی پاکستان کے سیکریٹری جنرل اور طویل عرصہ نائب امیر رہے ہیں۔ چوہدری اسلم سلیمی نے کئی بار قائم مقام امیرِ جماعتِ اسلامی پاکستان کی ذمے داری بھی سنبھالی ہے۔مرحوم چوہدری اسلم سلیمی کی نمازِ جنازہ بعد نمازِ جمعہ منصورہ لاہور میں ادا کی گئی جس میں بڑی تعدا د میں جماعت اسلامی کے رہنمائوں اور دیگر نے شرکت کی۔