لاہور ( این این آئی) لاہور سے کراچی جانے والی نجی ایئرلائن کی پرواز بڑے حادثے سے بچ گئی ، پرواز کے 13منٹ بعد ہی پرندہ ٹکرانے کے باعث طیارے کو دوبارہ لاہور ایئرپورٹ پر اتار لیا گیا۔ترجمان ایئر لائن کے مطابق نتظامیہ کے مطابق P841پرواز کو روانگی کے 13منٹ بعد پرندہ ٹکرانے کے سبب واپس لاہور اتار لیا گیا۔

انتظامیہ کے مطابق برڈ ہٹ سے طیارے کے انجن کے قریب نقصان پہنچا جبکہ پرواز میں سوار 100سے زیادہ مسافر محفوظ رہے۔مسافر طیارے سے آف لوڈ کرکے لائو نج منتقل کئے گئے ، طیارے کو گرائونڈ کردیا گیا ۔فلائٹ شیڈول کے مطابق پرواز نے صبح پونے 10بجے کراچی پہنچنا تھا۔تاہم حادثے کی وجہ سے پرواز تاخیر کا شکار ہو گئی۔