اسلام آباد (این این آئی) نائب وزیر اعظم اسحق ڈار نے کہاہے کہ میں بھی جنرل ریٹائرڈ فیض حمید کے متاثرین میں شامل ہوں ۔جنرل فیض کے معاملے اسحاق ڈار نے رد عمل کا اظہار کرتے ہوئے کہاکہ یہ اللہ تعالیٰ کی طرف سے ایک معجزہ تھا، اس معجزے پر حیران ہوں۔

اسحاق ڈار نے کہاکہ پہلی مرتبہ اس طرح چیزیں ہوئی ہیں، یہ 2011 کا پراجیکٹ تھا جس کا اختتام ہوا۔ نائب وزیر اعظم نے کہاکہ 2014 کا دھرنہ بھی ناکام ہوا اور معیشت بھی خراب ہوئی، ہم آج تک اس کے نقصانات بھگت رہے ہیں۔ اسحق ڈار نے کہاکہ جنرل فیض نے اکتوبر میں مل مجھے سے بھی معافی مانگی تھی۔ انہوںنے کہاکہ میں بھی جنرل فیض کے متاثرین میں شامل ہوں۔