لاہور (این این آئی) موسم گرما کی تعطیلات کے بعد سرکاری اور نجی تعلیمی ادارے آج (جمعرات)کے روز دوبارہ کھل گئے ۔تعلیمی اداروں میں موسما گرما کی تعطیلات 25 مئی کو ہوئی تھیں۔تعلیمی اداروں کے نئے اوقات کار بھی جاری کردیئے گئے ۔

نئے اوقات کار کے مطابق سنگل شفٹ سکولوں میں پیر تا جمعرات صبح 8بجے سے 1بج کر 30منٹ تک اوقات کار ہوں گے ۔جمعہ کے روز صبح 8بجے سے 12بجے تک سکولوں کے اوقات کار ہوں گے۔ڈبل شفٹ والے سکول میں صبح کی کلاسز صبح 8سے ساڑھے 12بجے تک ہوں گی۔ ایوننگ کلاسز 1بجے سے شام ساڑھے 5بجے تک ہوں گی۔جمعہ کے روز صبح کی کلاسز اڑھائی سے شام ساڑھے 5بجے تک ہوں گی۔ڈبل شفٹ کے اساتذہ مارننگ میں صبح 8سے 2بجے تک سکول میں رہیں گے۔