لاہور ( این این آئی) ٹی وی ہوسٹ عائشہ جہانزیب پر تشدد کیس میں نیا موڑ آگیا ۔ سیشن عدالت میں کیس کی سماعت کے دوران تفتیشی افسر نے میڈیکل بنیاد پر مقدمہ میں قوت سماعت اور آنکھوں کے متاثر ہونے کی دفعات شامل کر دیں۔

دوسری جانب عائشہ جہانزیب کیس کے ملزم حارث علی کی جانب سے گرفتاری کے خوف سے مقدمے میں عبوری ضمانت دائر کردی گئی ہے۔عدالت نے مدعیہ طلب ملزم کی عبوری ضمانت31اگست تک منظورکرلی۔ملزم کی ضمانت پرایڈیشنل سیشن جج ارشدمحمودنے سماعت کی تھی۔ملزم کے خلاف تھانہ سرورروڈ پولیس نے مقدمہ درج کررکھا ہے۔